তোমাৰ দুচকুত মই
নীলা আকাশৰ দৰেই গভীৰ তোমাৰ হিয়াখন,
য’ত মোৰ সকলো সপোনৰ ঠিকনা।
আজি আকৌ এটা নতুন কবিতা লিখিলোঁ,
কেৱল তোমাৰ নামত, তোমাৰ সুবাসত।
বকুল জোপাৰ তলত থিয় হৈ থকা সেই সন্ধ্যাটো,
আৰু তোমাৰ লাজুকী হাঁহিৰ সেই মৌনতা...
মোৰ উকা হৃদয়ত তুমি যেন এজাক বৰষুণ,
যি মোৰ পৃথিৱীখন সেউজীয়া কৰি তোলে।
একো নক'লেও বহু কথা বুজি পাওঁ,
যেতিয়া তোমাৰ চকুৱে মোৰ চকুলৈ চায়।
তুমি মোৰ গানৰ সুৰ, তুমি মোৰ কবিতাৰ ভাষা,
জনমে জনমে মাথোঁ তোমাকেই বিচাৰি যায়।
অপেক্ষাৰ অন্ত নাই, যুগ যুগ ধৰি তোমাৰ বুকুত জিৰাব খোজো,
এটি নিৰৱ প্ৰেমৰ কাহিনী হৈ...।
- মাইনা গাম
