লুইতৰ বুকুৰ পবিত্ৰ অলংকাৰ: মাজুলী
লুইতৰ বুকুৰ পবিত্ৰ অলংকাৰ: মাজুলী
ব্ৰহ্মপুত্ৰৰ খৰস্ৰোতা বুকুত শুৱনি
সেউজীয়াৰ এক অনন্য দাপোণ,
ভক্তি আৰু সংস্কৃতিৰ মিলনভূমি
আমাৰ মাজুলী— জনমভূমিৰ আপোন।
গুৰুজনাৰ খোজত মুখৰিত সত্ৰৰ চোতাল
খোল-তালৰ ধ্বনিত জাগে ভক্তিৰ লহৰ,
শৰতৰ জোনাকত ভাওনাৰ সেই মাদকতা
য’ত আজিও জীৱন্ত পুৰণি দিনৰ প্ৰহৰ।
মিচিং চাংঘৰৰ সহজ-সৰল জীৱন
মুখাশিল্পৰ হাতৰ পৰশত প্ৰাণ পায় মাটি,
কঁহুৱা বনৰ আঁৰে আঁৰে বিৰিঙা হাঁহিটোৱে
কৈ যায় মিচিং ঐনিতমৰ একোটি দুটি ৰাতি।
প্ৰলয়ৰ বানে যিমানেই নকৰক বিলাই
মাজুলী থমকি নৰয় কোনোদিন,
লুইতৰ পলসুৱা বুকুৰ দৰেই উদাৰ
মোৰ আইৰ সেই অম্লান চিন।
©™ মাইনা গাম
