তোমাৰ কপালৰ সেন্দুৰ
তোমাৰ কপালৰ সেন্দুৰ
আবেলিৰ সেই কেঁচা ৰদজাকত
যেতিয়া তুমি মোৰ ফালে চোৱা,
তোমাৰ কপালৰ সেই ৰঙা সেন্দুৰফেৰিয়ে
যেন আকাশৰ হেঙুলীয়া আভা বুটলে।
সেইয়া মাথোঁ এটা ৰঙ নহয়,
সেইয়া এক বিশ্বাসৰ হেজাৰ কবিতা,
মোৰ নামৰ এক অজান শিহৰণ
আৰু এটা পবিত্ৰ সপোনৰ আৱেশ।
অঁকাই-পকাই যোৱা জীৱনৰ বাটত
তুমি মোৰ সাহসৰ প্ৰতিচ্ছবি,
তোমাৰ কপালৰ সেই ৰঙা বিন্দুটোৱেই
মোক সোঁৱৰাই দিয়ে— মই অকলশৰীয়া নহয়।
হৃদয়ৰ নিভৃত কোণত সাঁচি থোৱা
মৰমবোৰ যেন তাত থূপ খাইছে,
তোমাৰ কপালৰ সেই সেন্দুৰফেৰিয়ে
মোৰ পৃথিৱীখন পোহৰাই ৰাখিছে।
©™ মাইনা গাম
