আকাশৰ ৰামধেনু

 

আকাশৰ ৰামধেনু

​

নীলা আকাশৰ বিশাল বুকুত

ৰঙৰ মেলা বহিছে,

বৰষুণজাকৰ শেষৰ পলত

ৰামধেনু হাঁহিটি বিৰিঙিছে।

​বেঙুনীয়া, নীল, আকাশী, সেউজীয়া,

হালধীয়া, সুমথিৰা আৰু ৰঙা—

সাতোটি ৰঙৰ মিলন ভূমি যেন

প্ৰকৃতিৰ এক অপৰূপ সজা।

​মেঘৰ আঁৰৰ ৰদালিৰ সতে

খেলিছে সি লুকা-ভাকু,

ধৰিত্ৰীৰ এই সুন্দৰ ৰূপত

বিমুগ্ধ হৈ ৰৈছে চকু।

​হৃদয়ত জাগে হেজাৰ আশা

ৰামধেনুৰ সেই ৰং দেখি,

শান্তি আৰু ঐক্যৰ বতৰা দি

আকাশত যায় সি আঁকি।

©™ মাইনা গাম