তৰাৰ সৈতে কথা
তৰাৰ সৈতে কথা
নীলা আকাশৰ বিশাল চাদৰত,
মিলিছে আজি হেজাৰ তৰা,
নিজান নিশাৰ এই ক্ষণত,
জাগি উঠিছে মোৰ নিৰিবিলি ধৰা।
মই সুধিলোঁ, "হে পোহৰৰ কণা,
কিমান যুগৰ কথা তোমালোকে জানা?"
সিহঁতে ক’লে মিচিকিয়াই চাই,
"আমি মাথোঁ সাক্ষী, আমাৰ ভাষা নাই।"
মই ক’লোঁ মোৰ মনৰ যিমান দুখ,
তৰাবোৰে দিলে যেন অলপ শান্তিৰ সুখ।
জিলিকি জিলিকি সিহঁতে কয়—
"আন্ধাৰ নহ’লে জানো পোহৰৰ মোল হয়?"
অকলশৰীয়া নহয় এই ৰাতিৰ আকাশ,
প্ৰতিটো তৰাই যেন একোটি বিশ্বাস।
আন্ধাৰ ফালি সিহঁতে হাঁহে,
মোৰো মন আকাশত যেন আশাৰ পোহৰ আহে।
©™ মাইনা গাম
