প্ৰেম মানেইতো জীৱন
প্ৰেম মানেইতো জীৱন
প্ৰেম মানে কেৱল এমুঠি আবেগ নহয়,
প্ৰেম মানে এজাক সজীৱ উশাহ,
শুকাই যোৱা মৰুভূমিত
এটোপাল শীতল বৰষুণৰ হেঁপাহ।
প্ৰেম আছে বাবেই জীয়াই থকাৰ অৰ্থ আছে,
প্ৰেম আছে বাবেই আকাশত জোনাক নাচে;
কেতিয়াবা যদি ই বিষাদৰ অশ্ৰু,
কেতিয়াবা আকৌ হাজাৰ সুখৰ হাঁহিৰ উৎস।
প্ৰেম মানেইতো জীৱনৰ আদি আৰু অন্ত,
হৃদয়ৰ উকা পথাৰত ফুলোৱা বসন্ত।
প্ৰেম অবিহনে জীৱনটো যেন এক মৰীচিকা,
প্ৰেমেই দিয়ে দুখৰ আন্ধাৰত পোহৰৰ শিখা।
ভাল পাই যাওক মানুহক, ভাল পাই যাওক পৃথিৱীক,
প্ৰেমৰ মাজতেই বিচাৰি পাব আপোনাৰ আচল চিনাকি।
প্ৰেম মানেই সংগ্ৰাম, প্ৰেম মানেই সাহস,
জীয়াই থকাৰ বাবে ই এক অনন্ত আৱেশ।
©™ মাইনা গাম
