বৰষুণৰ সুৰ
বৰষুণৰ সুৰ
আকাশৰ কোলাত মেঘৰ গাজনি,
ধূলিধূসৰিত ধৰালৈ নামিছে জিৰজিৰীয়া বৰষুণৰ টোপাল।
শুকান পথাৰত আজি পানীৰ নাচোন,
তাত মিলিছে মাটিৰ এক মিঠা সুবাস।
গছৰ পাতত মুকুতা হৈ জিলিকে পানী,
বতাহত হালি-জালি নাচে বননি।
খিৰিকীৰ কাষত বহি থকা তৰুণীৰ মনত
বৰষুণে লৈ আহে হেজাৰ স্মৃতিৰ লহৰ।
নদীৰ বুকুত বাঢ়িছে কল্লোল,
নাওখনেও বিচাৰিছে কূল।
এই বৰষুণ মাথো পানী নহয়—
এয়া প্ৰকৃতিৰ এক শান্ত প্ৰেমৰ সুৰ।
©™ মাইনা গাম
