চেনেহৰ গৰু বিহু
ব'হাগৰ প্ৰথমটো দিন, চেনেহৰ গৰু বিহু
নৈৰ ঘাটত উখল-মাখল, আনন্দৰ নাই যে সীমা।
লাও-বেঙেনাৰ মালা পিন্ধাই, চেনেহৰ ডিঙিত আঁৰি
দিঘলতি-মাখিয়তীৰে কোবাই দিওঁ, আশীৰ্বাদৰ বাৰী।
"লাও খা বেঙেনা খা, বছৰে বছৰে বাঢ়ি যা..."
এই সুৰেৰে কঁপে আকাশ, গৰুৰ ডিঙিৰ তৰা।
মাহ-হালধিৰে গা ধুৱাই, মৰমৰ হাত ফুৰাওঁ
বছৰটোলৈ কুশলে থাকিবলৈ ঈশ্বৰক গোঁৱাওঁ।
সেউজীয়া পথাৰত নতুন ঘাঁহৰ সুবাস
নতুন পঘাৰে শুৱাব গোহালিৰ প্ৰতিটো চুক।
বিহুৱানখনে কপাল চুই যাৱ চেনেহী আইজনীৰ
গৰু বিহুৱেই কঢ়িয়াই আনে সমৃদ্ধি আমাৰ পথাৰৰ।
ক’লা ডাৱৰ ফালি যেন নামি আহে শান্তিৰ এনাজৰী
মানুহ-গৰুৰ এই মৰম থাকক চিৰকাললৈ ধৰি।
ব'হাগৰ বিহুৱে আনন্দ বিলাওক প্ৰতিজনৰে মনত
শুভ হওক গৰু বিহু, নতুন বছৰৰ এই ক্ষণত।
- মাইনা গাম
