হৃদয়ৰ ৰুমাল / অসমীয়া কবিতা ২০২৬
হৃদয়ৰ ৰুমাল
মোৰ জেপত থকা সেই ৰুমালখনত
আজিও লাগি আছে তোমাৰ চহৰৰ সুবাস,
যিদিনা তুমি লাজুকী হাঁহিৰে দিছিলা
মোৰ হাতত তোমাৰ মৰমৰ বিশ্বাস।
কেতিয়াবা সেই ৰুমালখনেই মচি দিয়ে
অভিমানী চকুৰ দুটোপাল তপত চকুলো,
আৰু কেতিয়াবা তাৰ ভাঁজতে বিচাৰি পাওঁ
মই হেৰুৱাই পেলোৱা মোৰ পৃথিৱীখনৰ ঠিকনা।
তাত কোনো নাম লিখা নাই যদিও
প্ৰতিটো সূতাৰ মাজেৰে বৈ গৈছে—
এটি চিনাকি নাম, এটি মিঠা আৱেগ।
ৰুমালখন চোন কেৱল কাপোৰ নহয়,
ই তোমাৰ স্মৃতিৰ এক কোমল আৱৰণ;
যিয়ে মোক আৱৰি ৰাখে
তুমি কাষত নথকাৰ প্ৰতিটো ক্ষণ।
- মাইনা গাম
