লুইতৰ সন্তান আমি

 

লুইতৰ সন্তান আমি

​

wikipedia 

লুইতৰ পলসুৱা বুকুৰ আলহী আমি,

চাংঘৰৰ খুটাত আমাৰ শিপা;

মিৰি-জীয়ৰীৰ তাঁতৰ শালত উখল-মাখল,

বয়নত জিলিকি উঠে 'মিবু-গালুগ'ৰ আভা।

​আলি-আয়ে-লৃগাংৰ সেই পবিত্ৰ দিনত,

'গুমৰাগ'ৰ তালে তালে কঁপাই তোলোঁ ধৰা;

পঃৰাগৰ উলাহেৰে ভৰি পৰে চোতাল,

ঐনিতমৰ সুৰত বাজে আমাৰ মনৰ কথা।

​সেউজীয়া পথাৰত শালি ধানৰ গোন্ধ,

ডঁৰিয়লিৰ বুকুৰ 'আপং'ৰ চহকী সোৱাদ;

প্ৰকৃতিৰ বুকুত আমাৰ জীৱনৰ ছন্দ,

মিচিং ডেকাৰ হাঁহিত বিৰিঙে প্ৰেমৰ সম্বাদ।

​পাহাৰৰ পৰা নামি অহা লুইতৰ সুঁতি,

আমাৰেই তেজৰ দৰে বৈ যায় যুগ যুগান্তৰ;

ঐক্যৰ ডোলেৰে আমি বান্ধিছোঁ সমাজ,

আমি মিচিং— গৌৰৱময় বিশাল এক নামৰ।

©™ মাইনা গাম